elçi bəy *جانیم آزربایجان*
elçi bəy *جانیم آزربایجان*

بی‌یم خوش گلدین خوش گلدین! بوگون تورک دونیاسی‌نین


1398867739852744_large.gif

بی‌یم خوش گلدین خوش گلدین!

بوگون تورک دونیاسی‌نین اؤلمز اوغلو ابولفضل ائلچی‌بی‌ین دوغوم گونودور!


531658790490ffd21602ed76c9fc406f-425

ائلچی‌بی‌یه

قریبه آدام
بو قریبه آدامدی
اوخشاری یوخ هئچ کیمه؛
الی، ساچی،گؤزلری،
دیل آچیب دانیشاندا
دیلینده چیچک آچان
دلی دلی سؤزلری
نه قریبه آدامدی.

نه قریبه آدامدی
دئییرم، یئر فیرلانیر.
پیچیلداییر آستا‌دان:
یورد یئرینده بینه‌میز
یوخ اولوب چادیر چادیر.
یقین منیم گؤز یاشیم
آخیب یئری فیرلا‌دیر.
نه قریبه آدامدی
دئییرم، کولک اسیر،
یاخین دور بو اوجاغا،
گل قورویاق بو اودو.
پیچیلداییر آستا‌دان:
بو اسن کولک دئییل،
یورد بویونجا دولاشان
ختایی‌نین روحودو.
بو آدام نه قریبه،
نه قریبه آدامدی.
نه قریبه آدامدی؛
دردینه باخ، آی الله،
نیه، نیه باباسی
آستیاق مین ایل اول
واختیندا اؤلدورمه‌ییب
خیانتکار هارپاغی؟
دردینه باخ، آی الله،
هانسی اوزاق داغداسا
سوسوزلوق‌دان سارالیب
جیر آرمودون یارپاغی…
نه قریبه آدامدی
دردینه باخ، آی الله!
نه قریبه آدامدی،
دئدیم،-سنین بد گونون،
دئدی،-او گون کی، اؤزوم،
اؤزومه تله قوران
- گول‌سوز قویان گولوستان،
سیواس، شوشا، چال‌دیران؛-
بیر می، اوچ مو، یا بئش می؟
دئدیم:- قارداش، نئیله‌یک،
بیزیمکی بون‌سوز کئچمیر.
دئدیم:- سنین اوخشارین:
- بیر لچکدیم نه واختسا
سولمایان بیر چیچکده.
دئدیم:- ان گؤزل گونون؟
دئدی کی، گله‌جکده.
بو آدام نه قریبه،
نه قریبه آدامدی.
دئدیم:- آرزون، ایسته‌یین؟!
بیر آه چئکدی درین‌دن:
تزه تزه دوغولان
قورد آغیزلی کؤرپه‌لر
گؤرن نه واخت بو یوردو
تانری کیمی گؤرک ائلر؟!
بو آدام نه قریبه،
نه قریبه آدامدی!
نه قریبه آدامدی-
بو آدامین سئوینجی،
بو آدامین دردی ده
تامام اؤزگه بیچیمده.
بو قریبه آدامدی
منه ائله گلیر کی،
بو آدام اؤلن گونو
اؤزو قازیب قبرینی
باس‌دیرا‌جاق اؤزونو
اوریی‌نین ایچینده!

روستم بهرودی1398867739852744_large.gif
jtounfw2cdopaudytuw.gif


مشاهده همه ی 1 نظر